• "Fine Oraye"

Si ène casrole sôrte du l’ârmêre, û l’micro.onde ki s’mèt an route, û si on bouche tot doûçmint su ma gamèle, min.me si dju su  ô diâle bin lon, dju rabroke al vole.
Portant, come « papa » dit, dju n’su nin ène robète…

• "Tchèt belète"u "Pot d' cole"

Dju sî « moman » pa t’t avô come in ptit tchin (dj’ê dja oyu mwint’ côps d’ pîds s’mes pates èt ça fêt mô !)

• "Natalîe"

Ma flème û bin m’ n-apéti come dîj tchèts m’ ont valu l’ sornom du…

• "Tèteu"

Tos les matins, tot an ronronant a m’ finde la gwadje, dju tète èt dju tchôspougne la bloûze da « moman »
Ké plêji ! Ça m’ fê sondjè cand dj’asto tot ptit, avu mes prôpes fréres èt seûrs, (dj’astins nos cink), dju tètins dja nosse mére.

• "Inspecteûr des travôs"

Onk du mes dadas c’èst du m’ tchôkè pa t’t avô dû ç’ k’i gn è des travôs. Dju n’in.me nin ces cayèts la. Dju n’ coûr nin après les dèmènajmints : ça m’brouye.

• "Van Gogh"

T’ a l’eure on va m’ lemè « "Vincent Van Gogh". Ca on s’è foutu s’ la panse avu les vèjins (pocwè ? dju n’è sé rin) èt dj’ê ôke ôs orayes. Tês’ k’on n’va nin m’ les côpè…

Et co bin d’ z- ôtes ki vôt mî n’ nin dîre.